O inverno de 1985 é frío e húmido na pequena vila irlandesa de New Ross. Bill Furlong, dono dun almacén de leña e carbón, ocúpase con dilixencia dos numerosos pedidos. Furlong é un home honrado, un xefe xusto e un pai de familia bondadoso. A súa única preocupación é dar conta do traballo e que non lles falte de nada ás súas cinco fillas e á súa muller, Eileen. Pero unha mañá, ao entregar un cargamento no convento da vila, bate cunha situación perturbadora . E daquela debe decidir se mirar para outro lado e agachar a cabeza, como fan todos, ou tomar partido a pesar das consecuencias.
Co caso das lavanderías da Madalena que conmocionou á sociedade irlandesa a finais do século XX como pano de fondo, Claire Keegan bosquexa nesta novela o agudo retrato dunha comunidade pequena presa dos seus propios pactos de silencio. A súa perspicacia para o retrato psicolóxico e o delicado refinamento da súa prosa converten a Keegan nunha das narradoras máis brillantes do seu tempo.