Tamara Pazos, Putamen_T en redes sociais, convídanos a unha viaxe a través da bioloxía para descubrir que «o natural» non sempre é o correcto, e que os humanos somos moito máis que teorías científicas contrastables.
Unha viaxe de ida e volta á orixe da vida para comprender a especie humana desde unha óptica naturalista para, precisamente, desfacernos desas falacias naturalistas que pretenden encorsetarnos en leis e normas prestablecidas. Porque «o natural» vai moito máis alá do empírico, é o social o que nos converte no que somos.