Inclúe bibliografía e índice

O presente libro vai tentar explicar o proceso de ascenso e caída do Imperio galaico-leonés, culminado na época de Afonso VII e Xelmírez. Tentaremos explicar como é que un espazo xeopolítico considerado na altura o terceiro imperio europeo, ao lado de Bizancio e do Sacro Imperio Romano Xermánico, sumiu territorial, política e historiograficamente.
Veremos como as súas conquistas políticas e sociais ficaron na desmemoria e como as forzas que operaban na altura, que identificaremos como o sistema político-social e económico medieval, sediado fisicamente en Roma, operaron, apoiadas pola Castela toledana, nunha partida de xadrez que durou varios séculos, conseguindo converter o centro nacido no noroeste da Península Ibérica nunha perifería cuarteada, desempoderada e descoñecedora do seu pasado.