Jiro Taniguchi sobre ‘Ceos Radiantes': “Nesta historia quixen plasmar a miña sospeita de que na vida dunha persoa suceden cousas que determinan a súa evolución futura e que, ao longo de toda unha vida, eses puntos de inflexión preséntanse varias veces. Aínda que quizais soe algo rimbombante, serían eses instantes en que un volve ser quen é; esas situacións en que un se reencontra consigo mesmo.”

Kazuhiro Kubota, un pai de familia con exceso de traballo, choca cun mozo moteiro, Takuya Onodera. Un morre no acto, o outro sobrevive. Cando Takuya sae do coma, a súa familia descobre que non só sofre amnesia, senón que tamén cambiou de personalidade. A conciencia de Kazuhiro Kubota espértase no corpo do novo, quizais a última oportunidade de comprender o que de verdade era importante na súa vida. Pero Takuya vai recuperando a memoria e o espírito de Kazuhiro tenta retomar o contacto coa súa familia. E a convivencia de dúas almas nun só corpo non resultará fácil. Reedición no sentido oriental.

3º-4º ESO

1º-2º BAC